వీధి అరుఁగు కార్యక్రమం

పల్లె జీవనంతో పరిచయం ఉన్న ప్రతి ఒక్క తెలుగు వారి జీవితంతో విడదీయలేనంతగా పెనవేసుకున్న ఒక మధురమయన అనుభూతి వీధి అరుఁగు!!

పిచ్చాపాటి కాలక్షేపాల దగ్గర నుంచి, ప్రంపచ సమస్యల వరకు..ఖగోళ శాస్త్రం నుంచి మూఢ నమ్మకాల వరకు అన్నిటి చర్చావేదిక సమాలోచనల కూడిక పరిష్కారాల సూచిక ఈ వీధి అరుఁగు!!

పర్యావరణం గురించి, దాని భద్రత గురించి బెంగ అవసరం లేని ఒకప్పటి రోజుల్లో ఊరి విషయాలన్ని చర్చిచింపబడుతూ ఉండటానికి తావిచ్చింది ఈ వీధి అరుఁగు!!

బుర్రకధలు, తోలుబొమ్మలాటలు, సాంఘీకనాటకాలు ప్రదర్శింపబడే ఒక కళావేదిక మన వీధి అరుఁగు!!

మానవాళి అభివ్రుద్దికి విజ్ఞాన వినోదాలు ఎంతో అవసరం. వాటికి దివ్యవేదిక మన వీధి అరుఁగు..

మారుతున్న పరిస్థితులలో, ఎంతో సమాచారం సామాజిక ప్రసారమాధ్యమాలు ద్వారా అందుబాటులో ఉన్నా, పరిపూర్ణమైన ప్రామాణికమైన సమాచారం తెలుసుకోవటం కొంచెం కష్టతరమైన విషయం.

అందునా ఏది నిజమో, ఏది అబద్దమో తెలుసుకోవటం ఇంకా కష్టం. అటువంటి అడ్డంకులు తొలిగించేదుకు నిష్ణాతులైన వ్యక్తులతో సమాచారాన్ని నేరుగా మీకు అందించడమే కాకుండా, ప్రపంచీకరణ నేపథ్యంలో తెలుగు భాష, సంస్కృతి లో ఉన్న ఔన్నత్యం కాపాడుకోవాలనే చొరవకు చిరు ప్రయత్నమే మా ఈ “వీధి అరుఁగు “.

వీధి అరుఁగు ఆహ్వానం వంటిది. వీధి అరుగుని ఆదరించే భాషాభిమానులైన మీరందరు ఆత్మీయ అతిధులు.